Nuutste Nuus

Kwartaalprogram - Kw 4

 

 

2018/2019 GEGRADUEERDE INTERNSKAPPROGRAM (Wes-Kaapse Regering)

INTERNSKAPPROGRAM

 

INTERNSHIP PROGRAMME

 

IPROGRAM YANGO

 

 

Volg ons nuutste gebeure:

 

 

Ondersteun ons skool:

Grondslagfase

In die Grondslagfase beskik ons oor twee klasse per graad waar goed-opgeleide onderwysers leerders aanmoedig om hulle volle potensiaal te ontwikkel. Daar word gepoog om die leerder-onderwysergetalle in hierdie fase so laag as moontlik te hou sodat ons 'n goeie grondslag vir die leerders kan lê. Ons skool het ook 'n Leerondersteuningspos waar leerders onttrek word gedurende skoolure en ekstra hulp word ook aan hulle gebied. Benewens die toegeruste klaskamers, is daar ook 'n speelgrond waar die leerders na hartelus kan klim en klouter.

 

Ons handhaaf 'n hoë standaard en ons gaan hierdie jaar aansluit by ons jaartema: Vasberade op Arendsvlerke.

 

Ons graad 3 leerders doen elke jaar baie goed in die sistemiese toetse van die WKOD. Die graad 1 tot 3 leerders doen ook goed in die ANA-toetse.

 

Vanaf 2013 neem ons ook aan die Conquesta vraestelle deel. In 2013 was die Gr. 3-klas onder die top 20 skole in Afrikaans en in 2015 was die Gr. 2 en 3 klasse albei onder die top 20 skole vir Afrikaans.

 

Aan die einde van die jaar, tydens die Erkenningsaand, word die leerders elkeen met 'n sertifikaat beloon. Daar word ook medaljes aan die top-presteerders in Afrikaans, Engels en Wiskunde toegeken.

 

Intersenfase

Die Intersenfase beskik oor twee klasse per graad. Daar word gepoog om die klasse so klein as moontlik te hou, sodat individuele aandag makliker aan die leerders gegee kan word.

 

Bekwame en toegewyde onderwysers beywer hulle om met die nuutste tegnologie die Monties kreatief en innoverend by die leerproses te betrek. Daar word hoë eise aan die leerders gestel en hulle word aangemoedig om vir hulself mikpunte te stel en doelgerig daarna te streef.

 

Ons leuse vanjaar is Vasberade op Arendsvlerke. Ons wens is dat elke leerder, soos die arend, hoog sal vlieg en sal poog om uit te styg in hul akademie vanjaar.

 

Ons leerders word deur die jaar beloon by ons saalbyeenkomste met sertifikate wat aan hulle toegeken word vir verskillende aspekte rakende die akademie.

 

Die hoogtepunt van ons akademiese jaar is ons Erkenningsaand waar ons leerders beloon word vir hul harde werk. ‘n Akademiese Prestasietoekenning word ook kwartaalliks aan leerders toegeken.

 

Ons leerders neem ook jaarliks deel aan verskeie olimpiades en kompetisies (Wiskunde en Tale) waarin hulle uitstekende prestasies behaal - sommige van hulle die toppresteerders in die streek! Van ons deelnemers behaal 100% in die Conquesta Olimpiade. Voorwaar ‘n uitsonderlike prestasie. Ons Gr. 6 –leerders het uitsonderlik presteer in die jaarlikse WKOD Sistemiese Toetse in Wiskunde en Afrikaans.

 

Die leerders besoek ook weekliks die rekenaarklas, waar hulle dan ook die geleentheid kry om remediërende of aanvullende werk te doen ter versterking van die akademie. Die leerders volg die CAMI Program om hul vaardigheid in Wiskunde te verbeter en te versterk.

 

Akademie

 

 


CopyWrite

© 2016 Laerskool Montagu All Rights Reserved